Aýyldyq eldi mekenderde baılanys jelilerin ornatý jáne Kaspıı teńiziniń tabany arqyly talshyqty-optıkalyq jelilerdi tartý jobalaryn iske asyrý barysy qaraldy. Sondaı-aq 5G jelilerin damytý jáne Memleket basshysynyń ekonomıkany yryqtandyrý týraly Jarlyǵyn oryndaý máseleleri talqylandy.
Keńes barysynda Roman Sklıar jobalardyń oryndalý qarqynyn jáne sapaly ınternetke qosylýdy jedeldetýdi tapsyrdy. Ákimdikter men baılanys operatorlaryna antenna-dińgek qurylystaryn ornatý boıynsha jobalaý-smetalyq qujattamany tezdetip ázirleý mindeti qoıyldy.
Derekterdi tasymaldaý maqsatynda tranzıttik áleýetti arttyrý úshin Kaspıı teńiziniń tabany arqyly baılanys jelilerin tartý jáne «Batys – Shyǵys» gıpermagıstralin salý jumystary jedel júrgiziletin bolady.
Baılanys qyzmetterin sapaly kórsetý, ınternettiń qoljetimdiligi, sondaı-aq azamattardyń ótinishteri boıynsha kemshilikterdi jedel joıý máselelerine erekshe nazar aýdaryldy.