Úkimetaralyq komıssııa otyrysynda Qazaqstan-Túrikmenstan yntymaqtastyǵynyń damý perspektıvalary qaraldy

<p>ASTANA. KAZINFORM &ndash; Bıylǵy 2 qazanda Ashhabad qalasynda Premer-Mınıstriniń orynbasary &ndash; Qazaqstan Úkimeti apparatynyń basshysy Ǵalymjan Qoıshybaev pen Túrikmenstan Mınıstrler kabıneti tóraǵasynyń orynbasary Batyr Atdaevtyń tóraǵalyǵymen Ekonomıkalyq, ǵylymı-tehnıkalyq jáne mádenı yntymaqtastyq jónindegi qazaq-túrikmen úkimetaralyq komıssııasynyń 13-shi otyrysy ótti.</p>

Kezdesý barysynda taraptar 2023 jylǵy mamyr aıynda Astanada ótken komıssııa otyrysy sheńberinde qaralǵan máseleler boıynsha pikir almasty. Saýda-ekonomıkalyq yntymaqtastyqty, ónerkásiptik kooperatsııa, aýyl sharýashylyǵy, kólik jáne logıstıka, qarjy, bilim berý jáne mádenıet salalaryndaǵy ózara is-qımyldy damytý perspektıvalaryna nazar aýdaryldy. Eki eldiń munaı-gaz salasyndaǵy jaqyndasý múmkindikteri men óńiraralyq yntymaqtastyq máseleleri erekshe atap ótildi.

Ǵalymjan Qoıshybaev Komıssııa jumysy, birinshi kezekte, aldaǵy joǵary deńgeıdegi kezdesýlerge muqııat daıyndyq júrgizýge baǵyttalýy tıis ekenin atap ótti.

Taraptar qabyldanǵan sheshimder ózara is-qımyldyń barlyq baǵyty boıynsha ekijaqty qarym-qatynastardy odan ári nyǵaıtýǵa jáne tereńdetýge yqpal etetinine senim bildirdi.

Otyrys qorytyndysy boıynsha tıisti hattamaǵa qol qoıyldy.