Úkimet Ulttyq qorǵa táýeldilikti qalaı azaıtady
Búgin Májilistiń jalpy otyrysynda Ulttyq qordan maqsatty transfertterge táýeldilikti azaıtý jáne munaıdan tys kiristerdiń úlesin arttyrý baǵytynda qandaı naqty tetikter qarastyrylǵanyn surady.
Óz kezeginde N.Baıbazarov keıingi kezde Ulttyq qordyń áleýetin kúsheıtý taqyryby belsendi talqylanyp jatqanyn aıtty.
«Ulttyq qordy 100 mlrd AQSh dollaryna jetkizý máselesi jıi kóterilip júr. Árıne, osy meje strategııalyq maqsat sanalady. Sondyqtan Úkimet júrgizip otyrǵan fıskaldy saıasat pen Ulttyq banktiń aqsha-nesıe saıasatyn sáıkestendirý, alshaqtyqty azaıtý baǵytyndaǵy jumystardy atqaryp jatyrmyz. Bul turǵyda qarastyrylyp otyrǵan is-qımyldyń biri – ol maqsatty transfertterdiń kólemin shekteý. ıAǵnı ony bıýdjettegi ereje retinde qarastyryp, jyl saıyn kepildendirilgen transfert sııaqty belgili bir shektelgen mólsherde alyp otyrý eskerilgen. Osy máseleni pysyqtap jatyrmyz. Shekteý tetikteri jaıynda jaqyn arada egjeı-tegjeıli jaýap beremiz», - dedi Ulttyq ekonomıka mınıstri.
Onyń aıtýynsha, Ulttyq qorǵa táýeldilikti azaıtý turǵysynda ónerkásipti damytýǵa erekshe ekpin qoıylǵan.
«Qazir 17 iri jobamen aınalysyp jatyrmyz. Bul jobalardyń sany arta túsedi. Ekinshiden, ınfraqurylymdyq iri jobalarǵa qatysty ulttyq jospardy qabyldadyq. Jaqynda kommýnaldyq sharýashylyq boıynsha ulttyq jospar paıda bolady, ıaǵnı ony daıyndap jatyrmyz. Bárin qamtysaq, osy jobalardy iske asyrýǵa 100 mlrd AQSh dollarynan astam ınvestıtsııa kerek. Olardy bıýdjetten tys ınvestıtsııa arqyly iske qosamyz. Sonyń esebinen ekonomıkamyz ósken saıyn salyq bazasy keńeıedi», - dedi Nurlan Baıbazarov.
Osyǵan deıin bıyl respýblıkalyq bıýdjettiń kiristeri 14,1 trln teńge kóleminde baǵalanǵanyn, bul bekitilgen jospardan 2 trln teńgege tómen ekeni týraly habarladyq, Sebebin QR Ulttyq ekonomıka mınıstri túsindirdi.