Úkimet Ulttyq qor aktıvterin 100 mlrd dollarǵa ulǵaıtýdy josparlap otyr

<p>ASTANA. KAZINFORM &ndash; Úkimet 2030 jylǵa qaraı Ulttyq qordyń valıýtalyq aktıvterin 100 mlrd dollarǵa deıin jetkizýdi josparlap otyr. Tolyǵyraq QR Premer-Mınıstriniń orynbasary - Ulttyq ekonomıka mınıstri Nurlan Baıbazarov aıtyp berdi.</p>

«Ulttyq qordan alynatyn qarjy kólemin eskere otyryp, 2027 jylǵa deıin qor túsimin 78,7 mlrd dollarǵa jetkizý kózdelip otyr. Bul maqsatqa jetý jolynda bizdiń esepteýler bar, 2030 jylǵa deıin 5 jyl ýaqyt bar. Birinshi faktor, árıne munaı óndirý kólemi. 2030 jylǵa qaraı ol shamamen 105 mln tonna kólemine jetedi, bul rette biz kútetin ortasha baǵa barreline 75 dollar dep otyrmyz», - dedi Nurlan Baıbazarov Májilistiń jalpy otyrysynda 2025-2027 jyldarǵa arnalǵan respýblıkalyq bıýdjetti talqylaý barysynda. 

Mınıstrdiń aıtýynsha, Ulttyq qordy saqtaý men jetildirýdiń ekinshi faktory – qarjyny únemdeý. 

«Bul kórsetkishke qol jetkizý úshin biz 2026 jyldan bastap Ulttyq qordan alynatyn qarjy kólemin 5 5 mlrd dollarǵa deıin tómendetýimiz kerek. Osy eki negizgi faktor maqsatqa jetýge jol silteıdi», - deıdi ol. 

Sondaı-aq, Nurlan Baıbazarov Úkimet transfertterdi bıýdjet kirisi esebinen qarjylandyrý úshin jumys isteıtinin aıtty. 

Aıta ketsek, Ulttyq bank tóraǵasy Ulttyq qorǵa túsetin qarjydan, alynatyn soma asyp ketip jatqanyn aıtqan edi.