Úkimet Shymkent qalasynyń 2035 jylǵa deıingi bas josparyn bekitti

<p>Qazaqstan Respýblıkasynyń Úkimeti Shymkent qalasyn damytýdyń 2035 jylǵa deıingi jańa bas josparyn bekitti. QR Premer-Mınıstri Álıhan Smaıylov tıisti qaýlyǵa qol qoıdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;Úkimet saıtyna silteme jasap.</p>

Elimizdiń iri ónerkásip, saýda jáne mádenı ortalyqtarynyń birin keshendi damytý aıasynda turǵyn úı qurylysynyń kólemi ulǵaıady, jańa óndiris aımaqtary, aınalma t/j tarmaǵy jáne ótkizý qabileti táýligine 20 myń jolaýshy bolatyn vokzal ashylmaq. Sondaı-aq megapolısti jappaı kógaldandyrý josparlanǵan.

Ónimdilikti arttyryp, otandyq ónimniń básekege qabilettiligi men sapasyn jaqsartýdy, otandyq taýarlardy shetel naryqtaryna shyǵarýdy qoldaýdy, qoldanystaǵy memlekettik jáne óńirlik baǵdarlamalardy iske asyrý aıasynda tıisti ınfraqurylymdy damytýdy qamtamasyz etetin tıimdi ónerkásip, ınfraqurylymdyq, ınvestıtsııalyq jáne saýda saıasatyn júrgizý arqyly qala ekonomıkasynyń salalaryn damytý jalǵaspaq.

Ónerkásip aýmaqtaryn jańǵyrtý máselelerine kóp kóńil bólinetin bolady. Olardyń aýmaǵyn 2035 jylǵa deıin jańa ındýstrııalyq aımaqtardy salý esebinen 5 myń gektarǵa ulǵaıtý josparlanyp otyr. Onda perspektıvaly 14 ónerkásip klasteri damıtyn bolady.

Qabyldanǵan sharalardyń nátıjesinde 2035 jylǵa qaraı qalanyń áleýmettik-ekonomıkalyq salalarynda 1 mln-nan astam jumys orny bolady dep kútilýde.

Qala shekarasy qazirgi aýmaǵynda qalady, alaıda turǵyndar qaladaǵy tynys-tirshilik úshin qolaısyzdaý aýmaqtardan qalanyń ekologııalyq jaǵynan neǵurlym ornyqty jáne abattandyrylǵan aýdandaryna kóshirilmek. Aýmaqtyń úshten birinen astamynda turǵyn úı jáne qoǵamdyq nysandar boı kótermek.

Sonymen qatar ekologııalyq táýekel aımaqtary joıylady, Badam, Qoshqarata, Qarasý jáne Saıramsý ózenderiniń sý qorǵaý beldeýleri men aımaqtarynyń jobalaryn ázirlenedi.

Turǵyndarǵa aqparattyq-kommýnıkatsııalyq qyzmetterdiń keń spektrin usynýǵa múmkindik beretin Next Generation Network tehnologııasyn paıdalana otyryp, telekommýnıkatsııalyq jelilerdi keńeıtý jáne jańǵyrtý máseleleri jeke qaralmaq.

Sondaı-aq sý qubyrynyń qoldanystaǵy aımaqtyq júıesiniń ónimdiligin arttyrý, tynys-tirshilik etý ortasynyń jaılylyǵyn jaqsartý josparlanǵan.