Úkimet Petropavlda avtojol ótpesin salýǵa 2,9 mlrd teńge bóldi

<p>ASTANA. KAZINFORM - QR Premer-Mınıstri Oljas Bektenovtiń Soltústik Qazaqstan oblysyna jumys sapary barysynda bergen tapsyrmalaryn iske asyrý maqsatynda Petropavl qalasynda apatty jol ótpesiniń qurylysyn aıaqtaýǵa 2,9 mlrd teńge bólý týraly Úkimet&nbsp;<a href="https://primeminister.kz/news/ukimet-petropavlda-avtozhol-otpesin-saluga-29-mlrd-tenge-boldi-28826" target="_blank" data-entity-type="MessageEntityUrl" rel="noopener">qaýlysy qabyldandy.</a></p>

Atalǵan jobanyń qala úshin mańyzy zor, óıtkeni 1961 jyly salynǵan avtojol ótpesi apatty jaǵdaıda.

Temirjol magıstrali qalany eki bólikke bóledi, Karavannaıa kóshesindegi avtojol ótpesinen kún saıyn 16 myńǵa jýyq avtokólik qatynaıdy, aýdandar men oblys ortalyǵy arasyndaǵy kólik pen jaıaý júrginshilerdiń qozǵalysyn qamtamasyz etedi. Onyń shaǵyn ólshemi men kólik aǵynynyń joǵary qarqyndylyǵyna baılanysty atalǵan avtojol ótpesinde kólik qozǵalysyn shektemeı jóndeý jumystaryn júrgizý múmkin emes, bul qala turǵyndary úshin qolaısyzdyq týdyrýy múmkin.

Osyǵan baılanysty, Ýnıversalnaıa kóshesiniń boıynda burynnan bar jolmen qatarlastyra jańa jol ótpesin salý týraly sheshim qabyldandy. Jobanyń jalpy quny 5,9 mlrd teńgeni quraıdy, onyń bir bóligi jergilikti bıýdjetten qarjylandyrylǵan.

Aıta ketý kerek, osy jyldyń naýryz aıynda SQO-ǵa jumys sapary barysynda Premer-Mınıstr jol ótpesiniń qurylys alańyna baryp, jumys barysymen tanysty. Nysannyń mańyzdylyǵy týraly aıta kele, Oljas Bektenov jol-kólik ınfraqurylymyn damytý Úkimet jumysynyń basymdyqtarynyń biri ekenin atap ótti. Nysannyń mańyzdylyǵy týraly aıta kele, Oljas Bektenov jol-kólik ınfraqurylymyn damytý Úkimet jumysynyń basymdyqtarynyń biri ekenin atap ótti.