Úkimet ónerkásip óndirisin damytýǵa baǵyttalǵan jeńildetilgen nesıeler beredi
«Otandyq kásipkerler Úkimetpen jáne «Báıterek» UBH» AQ atynan qarjy memlekettik ınstıtýttarymen tyǵyz baılanysta jumys isteıdi. Memleket basshysynyń tapsyrmasy boıynsha bıznes úshin negizgi erejeler jazylǵan «Ónerkásiptik saıasat týraly» zań qoldanysqa engizildi. Meniń oıymsha, bizdiń ınvestıtsııalyq zańnamamyz óte jaqsy, tipti eń jaqsy dep aıtýǵa bolady. Ony sol deńgeıde saqtaý kerek jáne aımaqtaǵy basqa eldermen básekede qabiletti bolýymyz qajet. Biraq áli toltyrylmaǵan baǵyttar bar. Máselen, biz energııa qýaty boıynsha jetkilikti rezerv bolmasa, ónerkásipti damyta almaımyz. Bızneske óz qarajatyn salý, tıisti kepilge ıe bolý kerek jáne nesıe tartý úshin qolaıly mólsherlemeniń bolǵany shart. Biz ótken jyly atalǵan baǵytta belsendi jumys isteı bastadyq. Bıyl Úkimet eleýli serpilis jasady — ónerkásiptik óndiristi damytý úshin qymbat emes nesıeler berý múmkindigi tabyldy», — dedi birinshi vıtse-premer Roman Sklıar.