Úkimet Mańǵystaý atom energetıkalyq kombınatyna 5 mlrd teńge bóldi

<p>ASTANA. KAZINFORM - Qazaqstan Respýblıkasynyń Premer-Mınıstri Oljas Bektenov Mańǵystaý oblysyndaǵy &laquo;MAEK&raquo; JShS qyzmetin qoldaýǵa Úkimet rezervinen 5 mlrd teńge bólý týraly qaýlyǵa qol qoıdy, dep habarlaıdy QR Úkimetiniń baspasóz qyzmeti.&nbsp;</p>

Qarajat oblystyq bıýdjet arqyly energetıka kombınatyn sýbsıdııalaýǵa baǵyttalatyn bolady, bul kásiporynǵa aldaǵy jylytý maýsymyna ýaqtyly daıyndalýǵa jáne energetıkalyq ınfraqurylymnyń turaqty jumys isteýin qamtamasyz etýge múmkindik beredi.

2023 jyldan bastap kásiporyndy kezeń-kezeńimen jańǵyrtý jumystary júrgizilip keledi. Úzdiksiz óndiristik tsıkldy qamtamasyz etýge jáne jabdyqtyń toqtap qalý qaýpin azaıtýǵa baǵyttalǵan birqatar negizgi jobalardy iske asyrý kózdelgen. Olar qazandyq agregattaryn, rezervtik qorǵaý jáne avtomatıka júıelerin, sondaı-aq elektr energııasyn basqarý men esepke alýdyń avtomattandyrylǵan júıelerin jańǵyrtýdy qamtıdy.

MAEK – Aqtaý qalasyn qosa alǵanda, óńirdegi eldi mekender men kásiporyndardy elektr jáne jylý energııasymen, sondaı-aq aýyz sý, ystyq jáne tehnıkalyq sýmen qamtamasyz etetin Mańǵystaý oblysynyń iri energııa kesheni.