Úkimet Qulsaryda balabaqsha men mektep salýǵa 7,7 mlrd teńge bóledi

<p>ASTANA. KAZINFORM &ndash; Kóktemde tasqynǵa ushyraǵan elimizdiń batys aýmaǵyndaǵy óńirlerde bilim oshaqtaryn qaıta salý, qalpyna keltirý jumystary jalǵasyp jatyr. Tolyǵyraq Oqý-aǵartý vıtse-mınıstri Edil Ospan aıtyp berdi.&nbsp;</p>

«Atyraý oblysynda 4 myńnan astam bala oqıtyn 11 nysandy sý basty. Búginde №8 jalpy bilim berý mektebi boıynsha qalpyna keltirý jumystary aıaqtaldy jáne 6 nysanda jóndeý jumystary júrgizililip jatyr, jumystar 70%-ǵa oryndalǵan Sonymen qatar №19 mektepte kúrdeli jóndeý bastaldy, ony kelesi jyly aıaqtaý josparlanýda. Odan bólek, Qulsary qalasyndaǵy 280 oryndyq balabaqshanyń jáne jataqhanasy bar «Bilim-ınnovatsııa» lıtseıin qurylysyna Úkimet rezervinen 7,7 mlrd teńge bólý josparlanyp otyr, qurylysy 2025 jyly aıaqtalmaq. Al balalar ázirge basqa mektepterde oqyp jatyr», - dedi Edil Ospan Úkimet otyrysynda baıandaı otyryp.

Odan bólek, vıtse-mınıstr Aqtóbe jáne BQO-daǵy bilim berý oshaqtarynyń jaǵdaıyna toqtaldy.

«Aqtóbe oblysynda 4 772 oqýshy bilim alatyn 13 nysan tasqyn zardabyn shekti. Qazir 4 nysanda qalpyna keltirý jumystary aıaqtaldy, kúrdeli jóndeý 4 nysanda jalǵasýda, olar 90%-ǵa daıyn. Sonymen qatar, 5 bilim berý nysannyń qurylysy bastaldy, oǵan Úkimet rezervinen 6,2 mlrd teńgege bólindi, kelesi jyly aıaqtaý josparlanýda. Oqýshylar ýaqytsha bilim oshaǵymen qamtyldy. Al BQO-da 1500-den astam bala oqıtyn 5 nysan sý astynda qaldy. Búginde jóndeý jumystary 3 nysanda aıaqtaldy. Oblystyq ekologııalyq-bıologııalyq ortalyqta aǵymdaǵy jóndeý jumystary júrgizilýde, qurylys jumystarynyń deńgeıi 80%-dan asty. «Eýrazııa» balalar saýyqtyrý lageri boıynsha kúrdeli jóndeý júrgizý úshin jobalaý-smetalyq qujattama ázirlendi, ol memlekettik saraptamanyń qaraýynda», - dep tolyqtyrdy mınıstrdiń orynbasary.