Úkimet ınfraqurylymdyq jobalarǵa 2,6 trln teńge bóledi

<p>ASTANA. KAZINFORM &ndash; Memleket basshysynyń Atyraýdaǵy Ulttyq quryltaıda aıtqan ınfraqurylym jobalaryna 2,6 trln teńge baǵyttalatyn bolady. Bul týraly Premer-Mınıstrdiń orynbasary &ndash; ulttyq ekonomıka mınıstri Nurlan Baıbazarov Primeminister.kz-ke bergen eksklıýzıvti suhbatynda aıtty.</p>

«Bul – halyqqa arnalǵan turǵyn úıler men joldar salý, jańa jeńildetilgen ıpotekalyq baǵdarlamalardy iske qosý, turǵyn úı-kommýnaldyq sharýashylyǵyn jańǵyrtý jáne gazdandyrý. 2,6 trln teńge ınvestıtsııa bólemiz. Negizinen, bul bıýdjetten tys qarjylandyrý kózderi. Qazirgi tańda óńirlerde osy baǵyttardyń barlyǵy belsendi túrde júzege asyrylyp jatyr», — dep atap ótti Nurlan Baıbazarov.

195 mlrd teńge kólemindegi qarajat esebinen 300 myńnan astam adam turatyn 87 eldi mekendi gazdandyrý kózdelgen. Bıyl «Otbasy bank» jelisi boıynsha ınvestıtsııa kólemi 450 mlrd teńgeni quraıtyn «Otaý» jáne «Naýryz» jańa ıpotekalyq baǵdarlamalary iske qosyldy. Sondaı-aq 12 myń shaqyrym joldy jóndeý jáne salý, 6,5 myń kommýnaldyq jelini jańǵyrtý jáne 55 jylý kózin retke keltirý qajet.

«Shildeden bastap Qazaqstannyń Damý banki kommýnaldyq qyzmetter men tabıǵı monopolııalar sýbektileri úshin teńgemen qarjylandyrýdy usyný jańa baǵdarlamasyn iske qosady. Bul osy saladaǵy kúrdeli shyǵyndardy qarjylandyrýǵa qatysty. Biz alǵashqy 5 jyl ishinde keminde 300 mlrd teńge bólýdi josparlap otyrmyz», — dedi vıtse-premer.