Úkimet HQKO-lardaǵy «járdemshisymaqtardan» qalaı qutylmaq

<p>ASTANA. KAZINFORM &ndash; 2025 jyldyń 1-toqsanynda Halyqqa qyzmet kórsetý ortalyqtaryna seriktes uıymdar engiziledi. Bul týraly Májilis depýtattarynyń saýalyna Premer-Mınıstrdiń birinshi orynbasary Roman Sklıardyń jaýabynda aıtylǵan.</p>

— Halyqqa qyzmet kórsetý ortalyqtary qyzmetiniń joǵary suranysqa ıe bolýyna baılanysty azamattardyń jınalýy baıqalady. Bul «járdemshisymaq» dep atalatyn beıresmı deldaldardyń paıda bolýyna jaǵdaı jasaıdy. Ádette olardyń qyzmeti belgilengen talapqa saı kelmeıdi. Bul memlekettik qyzmet kórsetýdiń qoljetimdiligi men ashyqtyǵyna teris áserin tıgizedi, — dedi birinshi vıtse-premer jaýabynda. 

Onyń atap ótýinshe, atalǵan problemany sheshý úshin memleket retteıtin jáne baqylaıtyn seriktes uıym engizý boıynsha júıesi jumys kózdelgen. Atalǵan uıymdar memlekettik qyzmet kórsetý erejesin jáne Qazaqstan Zańdaryn qatań saqtaı otyryp, azamattarǵa kómek kórsetetin bolady. Bul tetikti 2025 jyldyń 1-toqsanda engizý josparlanǵan.

— Seriktes uıym engizý memlekettik qyzmetterdiń qoljetimdiligin arttyrýǵa, sonymen qatar beıresmı deldardyń paıda bolýy úshin alǵysharttardy joıýǵa múmkindik beredi. Al bul óz kezeginde azamattardy qyzmet kórsetý júıesine senimin nyǵaıtady, — dedi Roman Sklıar.