Úkimet basshysy jańa ken oryndaryn ıgerýge baǵyttalǵan memlekettik saıasat ázirleýdi usyndy
- Qazaqstan jekelegen metaldardyń qory boıynsha jetekshi oryn alady. Biraq soǵan qaramastan bizde ken óndirý deńgeıi kemip barady. Sebebi, qatty paıdaly qazbalar men kómirsýtek qoryn izdestirý jumystarynyń qarqyny tómen. Sondyqtan atalǵan baǵytqa tyń tásilder qajet. Qolda bar mıneraldyq-shıkizat bazasyn utymdy ári tıimdi paıdalanýǵa jáne jańa ken oryndaryn ıgerýge baǵyttalǵan memlekettik saıasatty ázirlep, ony naqty iske asyrý kerek, - dedi Premer-Mınıstr.
Úkimet basshysynyń aıtýynsha, búginde paıdaly qazbalardyń sapalyq quramy tómendep barady. Bul osy salaǵa kólemdi qarajat tartýdy jáne ken óndirý men tazartýdyń jańa tehnologııalaryn ázirleýdi talap etedi. ıAǵnı, ınvestıtsııa tartý úshin naqty sharalar qabyldap, jeńildikterdi qarastyrý kerek.
- Memleket basshysynyń tapsyrmasy boıynsha qurylǵan Ulttyq geologııalyq qyzmet tıisti qoldaý men ókilettikterge ıe bolyp, onyń ǵylymı-tehnologııalyq ınfraqurylymyn damytý kerek. Mysaly, «Samuryq-Qazyna» qorynda osyndaı ınfraqurylym men tehnologııalyq jabdyqtar bar. Osy baǵytta jumysty úılestirý kerek, - dedi ol.
Sondaı-aq Premer-Mınıstr zamanaýı tehnologııalardy, onyń ishinde jerústi zertteýlerine qajetti shyǵyndardy azaıtatyn aerogeofızıkalyq túsirilimdi paıdalaný, 30 jyl bolǵan jáne odan da buryn alynǵan geologııalyq aqparatty tsıfrlandyrý kerektigin basa aıtty.
- Bul derekter áli kúnge deıin qaǵaz júzinde nemese plenkalarda saqtalyp keledi. Sonymen qatar ınvestıtsııalar tartý úshin halyqaralyq qarjy uıymdaryna sertıfıkattalǵan zerthanalyq rastama qajet bolady. Ken kózderin barlaý jumystarynyń geologııalyq jáne qarjylyq táýekelderi qashanda joǵary. Álemdik statıstıkaǵa sáıkes, geologııalyq barlaý jobalarynyń tabysty bolýy nebári 20-30 paıyzdy quraıdy. Sondyqtan Úkimet osy salany qoldaýǵa, ınvestıtsııalar tartý úshin qolaıly jaǵdaı jasaýǵa, jańa yntalandyrý tetikterin ázirleýge jáne zańnamany odan ári jetildirýge erekshe nazar aýdarady, - dedi Oljas Bektenov.