Úkimet basshysy óz tańdaýyn jasady

<p>ASTANA. KAZINFORM &ndash; Premer-mınıstr Oljas Bektenov Astana qalasyndaǵy Ál-Farabı atyndaǵy Oqýshylar saraıynda ornalasqan №61 ýchaskege kelip daýys berdi.</p>

Úkimet basshysy atalǵan ýchaskede alǵashqylardyń biri bolyp óz tańdaýyn jasady.

Eske salaıyq, búgin qazaqstandyqtar atom elektr stantsııasyn salý máselesi boıynsha referendýmda daýys beredi.

Ortalyq referendým komıssııasy tóraǵasynyń orynbasary Konstantın Petrov eldiń barlyq óńirinde Qazaqstanda atom elektr stantsııasyn salý máselesi boıynsha jalpyulttyq referendým bastalǵanyn resmı málim etti.

«QR Ortalyq referendým komıssııasy oblystar men Astana, Almaty, Shymkent qalalarynyń komıssııalary usynǵan aqparatqa sáıkes, saǵat 7.00-degi jaǵdaı boıynsha óńirlerde 10 249 ýchaske daýys berýge kiriskenin habarlaıdy. 84 ýchaskede aýmaqtyq komıssııalardyń sheshimderine sáıkes, daýys berý tańǵy saǵat 6.00-de bastaldy», — dedi ol.

Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy.