Úkimet basshysy otandyq taýarlardyń artyq katologtaryn joıýdy tapsyrdy

<p>ASTANA. KAZINFORM &ndash; Taýarlardyń elektrondyq katalogy jalpyǵa birdeı bolýy kerek. Bul týraly Úkimet otyrysynda Premer-Mınıstr Oljas Bektenov aıtty.</p>

«Qazir qazaqstandyq taýarlardyń birneshe katalogy bar. Bul ónimdi bir katalog arqyly ımporttaýǵa jáne ony basqa katalogpen otandyq ónim retinde ótkizýge múmkindik berip otyr. Mundaı aıla-sharǵylar bolmaýǵa tıis. Qarjy mınıstrligi memlekettik satyp alýdy júzege asyrý úshin halyqaralyq standarttardy eskere otyryp, Taýarlardyń elektrondyq katalogyn jasady», - dedi ol.

Premer-Mınıstrdiń paıymynsha, ol jalpyǵa birdeı bolýy kerek.

«Sondyqtan Qarjy mınıstrligi Saýda mınıstrligimen jáne basqa da múddeli memlekettik organdarmen birge saraptap, taýarlardyń, jumystar men qyzmetterdiń artyq katalogtaryn joıýy qajet», - dedi Oljas Bektenov.