Úkimet basshysy óńir ákimderine eńbek jármeńkelerin júıeli ótkizýdi tapsyrdy

<p>Úkimet otyrysynda Premer-Mınıstr Álıhan Smaıylov óńir ákimderine eńbek jármeńkelerin júıeli ótkizýdi tapsyrdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Óńir ákimderi bos jumys oryndarynyń jármeńkelerin júıeli túrde ótkizip, Astanada iske asyrylyp jatqan «Joltap» pılottyq jobasyn úlgi retinde paıdalaný qajet. Eńbek mınıstrligi Mádenıet mınıstrligimen birge jumysqa ornalasýdyń jańa múmkindikteri týraly halyqty habardar etý sharalaryn kúsheıtýi tıis», - dedi Premer-Mınıstr.

Sondaı-aq, ol Eńbek jáne halyqty áleýmettik mınıstrligine oblystyq Eńbek utqyrlyǵy ortalyqtary men aýdandyq Mansap ortalyqtarynyń áleýetin utymdy paıdalanýdy tapsyrdy.

«Atalǵan ortalyqtar jumystaryn birshama jańǵyrtyp, qaıta uıymdastyrdy. Endi Eńbek mınıstrligi ákimdiktermen birlesip, osy ortalyqtar arqyly jumysqa ornalastyrý júıesine monıtorıng júrgizý mehanızmin jetildirýi tıis. Mindetti zeınetaqy aýdarymdary bar elektrondyq eńbek sharttarynyń jasalýyna erekshe nazar aýdarý qajet», - dedi Álıhan Smaıylov.

Úkimet basshysy ákimdikter qurylyp jatqan jumys oryndarynyń sapasyna basa nazar aýdarý kerektigin eske saldy.

«Jumysqa ornalastyrýdy memlekettik qoldaý aıasynda ǵana emes, memlekettik-jekeshelik áriptestik pen jeke ınvestorlar arqyly da qamtamasyz etý qajet», - dedi Premer-Mınıstr.