Úkimet basshysy dándi-burshaqty daqyldardy óńdeıtin jańa kásiporynda boldy

<p>Qazaqstan Premer-Mınıstri &laquo;Aýyl amanaty&raquo; aýyl turǵyndarynyń tabysyn arttyrý jobasynyń iske asyrylý barysymen tanysyp, dándi-burshaqty daqyldardy óńdeıtin jańa kásiporynda boldy. Bul týraly QR Premer-Mınıstriniń resmı saıty habarlady.&nbsp;</p>

Qostanaı aýdany Zarechnoe aýylynda «Aýyl amanaty» jobasyna qatysýshysy Qymbat Kokıeva qurǵan sharýa qojalyǵynyń jumysymen tanysty.

Baǵdarlama boıynsha ol 5,2 mln teńge alǵan, sonyń arqasynda 13 bas iri qara satyp alyp, jumysshy jaldaǵan.

Foto: QR Premer-Mınıstriniń resmı saıty

Premer-Mınıstr «Aýyl amanaty» baǵdarlamasyn iske asyrý Jambyl oblysynan bastalǵanyn eske saldy. Atalǵan joba ózin tıimdi qural retinde kórsetti, sondyqtan 2023 jyldan bastap ony elimizdiń barlyq aımaqtaryna taratý týraly sheshim qabyldandy.

«Bıyl baǵdarlamany iske asyrý jalǵasyn tabady. 17 myń shaǵyn nesıe berý josparlanýda. Eń bastysy – aýyl turǵyndaryn jumyspen qamtý jáne kiristi arttyrý, kooperatsııa men aýyl sharýashylyǵy óndirisin damytý. Josparlardy júzege asyrýda tabys tileımiz», — dedi Álıhan Smaıylov.

Sondaı-aq Premer-Mınıstr qýattylyǵy jylyna 170 myń tonna daıyn ónim shyǵaratyn «Kaıdzen» dándi-burshaqty daqyldar óńdeıtin jańa kásiporynda boldy.

Munda shıkizattan bastap qaptamaǵa deıin tolyq óndiristik tsıkl jolǵa qoıylǵan.

Jobaǵa 4 mlrd teńge kóleminde ınvestıtsııa tartylyp, 70 jumys orny ashyldy.

Álıhan Smaıylov Úkimettiń aldynda agroónerkásiptik keshende shyǵarylatyn ónim kólemin eki esege arttyrý boıynsha úlken mindet turǵanyn atap ótti.

Buǵan deıin habarlaǵanymyzdaı, Úkimet basshysy Qostanaı oblysyna jumys saparmen barǵan bolatyn.