Úkimet basshysy Abaı oblysyndaǵy ónerkásiptik kásiporynnyń jumysymen tanysty
Kompanııa ótkizilgen ónim kólemi boıynsha elimizde jetekshi orynǵa ıe. Sonymen qatar kásiporyn Qazaqstannyń úzdik 50 iri jeke salyq tóleýshileriniń qataryna kiredi. 2023 jyly shamamen 1,5 mln shına satylyp, bıýdjetke 9,5 mlrd teńgeden astam qarjy tólendi.
Úkimet basshysyna qoldanystaǵy kásiporyn bazasynda daıyn ónim shyǵaratyn avtokólikterdi qoldaný kezinde paıda bolatyn qaldyqtardy qaıta óńdeý keshenin salý jospary týraly baıandaldy. Qaıta óńdeý nátıjesinde qaýipsiz jabyndar, termoplastıka, sym jáne t. b. alýǵa bolady. Jobalyq ónimdilik táýligine 50 tonnaǵa: onyń ishinde táýligine 10 tonna shınany termııalyq óńdeýge jáne 40 tonna mehanıkalyq óńdeýge jetedi. Termııalyq óńdeý nátıjesinde daıyn ónim basqa óndiristik protsester úshin shıkizat bola alatyn otyn, tehnıkalyq kómirtegi jáne joǵary legırlengen bolattan turady. Mehanıkalyq jaǵdaıda – avtoshınalar, júgirý joldary men oıyn alańdaryna arnalǵan jabyndar jasaýǵa jaramdy 4 fraktsııadan turatyn úgindiler shyǵarylady. Jobanyń jalpy quny – 2,5 mlrd teńge. Іske asyrý nátıjesinde 150 jańa turaqty jumys orny ashylady.
Oljas Bektenov atap ótkendeı, búginde Qazaqstanda 10 kompanııa qaldyqtardy jınaý jáne qaıta óńdeýdiń ózindik júıesin paıdalanady. Olardyń basym bóligi shınalardy ımporttaıtyn jáne qaıta óńdeıtin kásiporyndar. Úkimet basshysy bul bastamany qoldaıtynyn aıtyp, Ekologııa jáne tabıǵı resýrstar mınıstrligine múddeli uıymdarmen birlesip, atalǵan máseleni jan-jaqty qarastyrýdy tapsyrdy.
«Taza Qazaqstan» aktsııasy aıasynda kásiporynnyń avtoshınalardy kádege jaratý men qaıta óńdeýdiń tolyq tsıkline ótýge degen umtylysy turǵyndar arasynda ekologııalyq mádenıetti qalyptastyrýǵa oń áserin tıgizýi múmkin. Memleket basshysy qaldyqtar máselesin sheshý qajettigin atap ótti. Mundaı bastamalardy qoldaý – mańyzdy. Mádenıetimizdi arttyrý qajet, qaıta óńdeý kólemi tutyný qarqynyna sáıkes bolýy kerek. Biz ornyqty damý maqsattaryna umtylamyz, al ekologııa – negizgi quramdas bólikterdiń biri», - dep atap ótti Oljas Bektenov.
Eske sala keteıik, buǵan deıin Oljas Bektenov Semeıdegi apatty JEO-ny jańǵyrtý jumystaryn teksergenin jazǵan edik.