Úkimet aýyl sharýashylyǵy ónimderin qaıta óńdeý jónindegi jobalardy qoldaýǵa basymdyq beretin bolady

<p>Úkimette QR Premer-Mınıstri Álıhan Smaıylovtyń tóraǵalyǵymen ótken keńeste agroónerkásip keshenindegi(AÓK) qaıta óńdelgen ónimderdiń úlesin arttyrý máseleleri qaraldy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> <a href="https://primeminister.kz/news/ukimet-auyl-sharuashylygy-onimderin-kayta-ondeu-zhonindegi-zhobalardy-koldauga-basymdyk-beretin-bolady-26756" target="_blank" rel="noopener">Úkimettiń resmı saıtyna</a> silteme jasap.</p>

Qatysýshylar aýyl sharýashylyǵyndaǵy ónimdilikti arttyrý, ımportty almastyratyn jańa ınvestıtsııalyq jobalardy iske qosý jónindegi sharalardy, sondaı-aq jeńildikpen nesıe berý, sýbsıdııalaý, kóktemgi egis jumystaryn júrgizý jáne basqa da birqatar máseleni talqylady.

Aldaǵy jyldary et, bıdaı, sút jáne basqa da shıkizatty óńdeý jobalaryna basymdyq beriletini aıtyldy. Atap aıtqanda, AÓK salasyndaǵy iri ónerkásip jobalaryn iske asyrý boıynsha SQO-nyń tájirıbesin basqa óńirlerge taratý jumystary jalǵaspaq.

Premer-Mınıstr memleket ári qaraı da aýyl sharýashylyǵyn damytýǵa keshendi qoldaý kórsetetinin atap ótti. Bul rette negizgi maqsattardyń qatarynda sapaly azyq-túlik óndirisin ulǵaıtý jáne jańa jumys oryndaryn qurý sharalary bar.

Sonymen qatar Álıhan Smaıylov memlekettik qarajattyń tıimdi ıgerilýine baqylaýdy kúsheıtýdi talap etti. Bul, sondaı-aq qoldaǵy qorlardy iske qosýǵa, jańa sýbsıdııalaý tásilderin ázirleýge, jobalardy sapaly túrde irikteýge jáne taýar óndirýshilerdiń qarsy mindettemelerdi saqtaýyna da qatysty.

Talqylaý qorytyndysy boıynsha Premer-Mınıstr ýákiletti memlekettik organǵa birqatar tapsyrma berdi.