Úkimet aptap ystyq pen jaýynnan shyǵynǵa batqan sharýalarǵa qalaı kómektespek

<p>QR Premer-Mınıstri Álıhan Smaıylovtyń tóraǵalyǵymen ekonomıkany jańǵyrtý máseleleri jónindegi memlekettik komıssııada otandyq aýyl sharýashylyǵy taýaryn óndirýshilerdi qoldaý sharalary qaraldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://primeminister.kz/kz/news/kr-ukimeti-otandyk-auyl-sharuashylygy-tauaryn-ondirushilerge-koldau-korsetedi-25860" target="_blank" data-entity-type="MessageEntityTextUrl" rel="noopener">Úkimetke</a> silteme jasap.&nbsp;</p>

Memleket basshysynyń bıylǵy aýa raıy qolaısyzdyǵynan zardap shekken aýyl sharýashylyǵy taýaryn óndirýshilerge qajetti qoldaý kórsetý jónindegi tapsyrmasyn oryndaý aıasynda mynadaı shara qabyldaý usynyldy:

— forvardtyq satyp alý aıasynda «Azyq-túlik korporatsııasynyń» satyp alý baǵasyn 3 klasty bıdaı úshin 120 myń teńge jáne 4 klasty bıdaı úshin 105 myń teńge mólsherinde belgileý;

— forvardtyq satyp alý jáne taýarlyq nesıe boıynsha fermerge mindettemelerdi aıyppul tólemderinsiz aqshalaı qarajat arqyly nemese 1,05%ne 5% koeffıtsıent boıynsha 3 klasty bıdaıdy 4 klasqa aýystyrý arqyly oryndaýǵa múmkindik berý;

— mindettemelerdi oryndaýǵa múmkindigi joq aýyl sharýashylyǵy taýaryn óndirýshiler úshin bank syıaqysyn 3% kóleminde óteı otyryp, shartty oryndaý merzimin 1 jylǵa uzartýǵa múmkindik berý.

Talqylaý qorytyndysy boıynsha memlekettik komıssııa músheleri usynylǵan sharalardy qoldady.

Premer-Mınıstr ýákiletti memlekettik organdarǵa aýyl sharýashylyǵy taýaryn óndirýshilerge qoldaý kórsetý jónindegi jumysty dereý bastaýdy tapsyrdy.