Úkimet áleýmettik mańyzy bar azyq-túlik qunyn retteýden bas tartýy múmkin be

<p>Saýda jáne ıntegratsııa mınıstri Arman Shakqalıev áleýmettik mańyzy bar azyq-túlik qunyn retteýden birtindep bas tartý usynysyna qatysty túsinik berdi, dep habarlaıdy<a href="https://kaz.inform.kz/" target="_blank" rel="noopener"> QazAqparat tilshisi.&nbsp;</a></p>

«Biz naryqtyq ekonomıkada jaǵdaıynda ómir súrip jatyrmyz. Sáıkesinshe munda suranys pen usynys mańyzdy. Sondyqtan naryqtyq ekonomıkada qosymsha retteý tetikteri qajet. Turaqtandyrý qorlarynda jalpy aınalymdaǵy taýardyń 5-7% saqtalady. Ol qysqa merzimge ǵana jetedi. Júıeli jumys úshin biz halyqtyń osal toptary bar ekenin basty nazarda ustaýymyz kerek. Olardyń arzan ónim alýyna múmkindik jasaý qajet. Biz osy baǵytta jumys istep jatyrmyz», - dep málim etti Arman Shaqqalıev BAQ ókilderiniń qatysýymen ótken baspasóz maslıhatynda.

Onyń aıtýynsha, taýar balansyna taldaý jasaý arqyly elimizdiń qandaı ónimder boıynsha ımportqa táýeldiligi bar ekenin anyqtaý qajet.

Qosa ketsek, osy brıfıngide sóz alǵan Saýda komıtetiniń tóraǵasy Aıdar Ábildabekov keıbir óńirlerdegi kásipkerler bıdaıdy qymbat baǵamen satyp jatqanyn aıtty. Onyń deregine saı, Básekelestikti qorǵaý jáne damytý agenttigi astyq qunyn negizsiz kótergenderge tergeý júrgizedi.