Úkimet 2024 jylǵa arnalǵan zań jobalaý josparyn Prezıdent kelisýine engizedi

<p>Úkimet 2024 jylǵa arnalǵan zań jobalaý jumystary josparyn Prezıdenttiń kelisýine engizedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Úkimettiń kelesi jylǵa arnalǵan Zań jobalaý jumystarynyń josparynda 16 zań jobasyn ázirleý kózdelgen. Onyń 8-i Memleket basshysynyń tapsyrmalaryn iske asyrýǵa baǵyttalǵan. Sondaı-aq Parlamentke 4 jeke zań jobasyn engizý josparlanyp otyr. Solardyń ishinde Tsıfrlyq kodekstiń jobasyn erekshe atap ótkim keledi. Onda otandyq jáne úzdik álemdik tájirıbe eskerilip, tsıfrlandyrý salasyndaǵy biryńǵaı tásilder aıqyndalady», - dedi Premer-Mınıstr Álıhan Smaıylov Úkimet otyrysynda.

Osydan keıin Mınıstrler kabıneti usynylǵan jospar jobasyn maquldady.

«Úkimet Apparaty ony Memleket basshysynyń kelisýine engizýdi qamtamasyz etsin», - dep atap ótti Premer-Mınıstr.