Úkim ózgerdi: apellıatsııalyq sot jasóspirimge qatysty aıyptaýdy qaıta qarady

<p>QONAEV. KAZINFORM &ndash; Almaty oblystyq soty Qonaevta adam óltirgen 15 jastaǵy jasóspirimge qatysty shyǵarǵan úkimdi ózgertti.&nbsp;</p>

Almaty oblysy sotynyń baspasóz qyzmeti málim etkendeı, qylmys 2023 jyly 25 maýsymda keshke demalys oryndarynyń biriniń aldynda bolǵan. Janjal kezinde 15 jastaǵy jasóspirim jábirlenýshiniń jaq tusynan bir ret judyryqpen urǵan. Er adam qulap, esinen tanyp qalǵan. 

Bul rette sot anyqtaǵandaı jábirlenýshi soqqydan emes, jerge qulaǵanan aýyr dene jaraqatyn alǵan. 

2023 jyldyń 21 shildesinde jábirlenýshi K. alǵan jaraqattan, esin jımastan qaıtys boldy. 

Aıyptalýshy Almaty oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń 2024 jylǵyń 26 sáýirdegi úkimimen 6 jyl 8 aıǵa bas bostandyǵynan aıyryldy.

«Apellıatsııalyq alqa sottalǵannyń áreketin 106-baptyń 3-bóliginen (Abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirý) 104-baptyń 1-bóligine (Abaısyzda qazaǵa ushyratý) boıynsha qaıta jiktedi. Jaza bir jarym jylǵa deıin qysqartyldy, jas jigit ony kámeletke tolmaǵandar kolonııasynda óteıdi», - delingen habarlamada. 

Óndirip alynǵan moraldyq zııan ótemaqysynyń mólsheri 10 mln teńgeden mln teńgege deıin tómendetildi.

Qaýly zańdy kúshine endi.