Terrorızmdi nasıhattady degen kúdikpen Shymkent turǵyny ustaldy - UQK
09:10, 29 Aqpan 2024
<p>ASTANA. KAZINFORM - 2024 jylǵy 28 aqpanda Ulttyq qaýipsizdik komıteti pokýratýra organdarynyń úılestirýimen jáne polıtsııanyń kómegimen Shymkent qalasynyń turǵynyn ustady.</p>
QR UQK baspasóz qyzmetiniń habarlaýynsha, atalǵan adamǵa áleýmettik jeli arqyly terrorızmdi nasıhattady degen kúdik keltirilip otyr. Tergeý nusqasy boıynsha ol erterekte uzaq ýaqyt boıy alys shet elderdiń birinde turyp, radıkaldy ıdeologııany qabyldaǵan. Qylmystyq kodekstiń 256-baby 2-bóligi boıynsha sotqa deıingi tergep-tekserý júrgizilip jatyr.
«Ózge aqparat Qylmystyq-protsestik kodekstiń 201-baby 1-bóligine sáıkes jarııa etilmeıdi», — delingen UQK baspasóz qyzmetiniń habarlamasynda.