UQK Taraz ben Shymkentte uıymdasqan qylmystyq topty ustady

NUR-SULTAN. QazAqparat – Ulttyq qaýipsizdik komıteti arnaıy operatsııa aıasynda elimizdiń ońtústik óńirlerindegi krımınogendik jaǵdaıǵa teris áser etip kelgen uıymdasqan qylmystyq topty ustady, dep habarlaıdy QazAqparat UQK baspasóz qyzmetine silteme jasap.

«30 maýsymda UQK Іshki ister mınıstrligimen birge Taraz jáne Shymkent qalalarynda bir mezgilde «A» jáne «Búrkit» arnaıy maqsattaǵy bólimsheleriniń jumyldyrylýymen elimizdiń ońtústik óńirlerindegi krımınogendik jaǵdaıǵa teris áser etip kelgen, qoǵam úshin qaýipti uıymdasqan qylmystyq toptyń zańsyz is-áreketiniń jolyn kesý boıynsha arnaıy operatsııany júzege asyrdy. Bul maqsatta aldyn ala jedel-izdestirý jáne arnaıy is-sharalardyń tolyq kesheni muqııat júrgizildi. Nátıjesinde qylmystyq top músheleriniń taýarly-materıaldyq qundylyqtardy asa iri mólsherde urlaýǵa jáne kásipkerlerden aqsha qarajatyn bopsalaýǵa qatysy bar ekendigi týraly dálelder jınaldy. Arnaıy operatsııanyń nátıjesinde qylmystyq toptyń 14 kóshbasshysy men belsendi qatysýshylary ustaldy», - delingen Komıtet aqparatynda.

Protsessýaldyq is-sharalar barysynda qarý-jaraq arsenaly, qomaqty aqsha, sondaı-aq tergeý múddesinde qyzyǵýshylyq týdyratyn qujattar tárkilendi.

Sotqa deıingi tergeý júrgizilip jatyr. Ustalǵandardyń basqa da qylmystarǵa qatysy bary tekseriledi.