UQK Pavlodarda esirtki óndiretin jasyryn oryndy anyqtap, 4,2 mlrd teńgeniń ónimin tárkiledi
09:14, 21 Mamyr 2024
<p>ASTANA. KAZINFORM - 2024 jylǵy 11 mamyrda Ulttyq qaýipsizdik komıteti «Búrkit» JSN jáne prokýratýra organdarynyń úılestirýimen Pavlodar qalasynda sıntetıkalyq esirtkilerdiń jasyryn óndirisin joıý boıynsha operatsııa júrgizdi.</p>
QR Ulttyq qaýipsizdik komıteti baspasóz qyzmetiniń habarlaýynsha, osy qylmysty jasady degen kúdikpen Qazaqstan azamaty men úsh sheteldik ustalyp, sottyń sanktsııasymen qamaýǵa alyndy.
Saıajaı alabyndaǵy úıdi tintý kezinde 170 kg-nan astam «mefedron», 2 tonna prekýrsorlar, sondaı-aq zerthanalyq jabdyqtar tabyldy jáne tárkilendi.
«Qara naryqta» alynǵan esirtkiniń quny 4,2 mlrd. teńgeni, al kólemi 680 myń dozadan asady.
Qylmystyq Kodekstiń 297-babynyń 3-bóligi boıynsha sotqa deıingi tergep-tekserý júrgiziledi.
Qylmystyq-protsestik kodekstiń 201-babynyń 1-bóligine sáıkes ózge de aqparat jarııa etilýge jatpaıdy.