UQK ókilderi esirtki tasymalyn uıymdastyrýshyny ustady
Komıtet taratqan aqparattarǵa qaraǵanda, B.Ismaılov atty azamatty esirtki zattaryn jetkizýdi uıymdastyrýǵa qatysy bar degen kúdikpen QR Ulttyq qaýipsizdik komıteti Aqtóbe oblysy boıynsha departamentiniń qyzmetkerleri ustaǵan.
Júrgizilgen jedel izdestirý is-sharalary nátıjesinde Taraz qalasynyń turǵyny B.Ismaılovtyń «gashısh» esirtkisin iri kólemde saýdalaý maqsatynda Aqtóbe qalasyna jetkizbek bolǵany anyqtaldy.
2019 jyldyń 9-sha qazanynda atalǵan tulǵanyń qylmystyq is-áreketiniń jolyn kesý maqsatynda B.Ismaılovty ustaý sharasy júzege asyryldy jáne odan 2,3 kg gashısh tabyldy.
«2020 jyly 16 qańtarda Aqtóbe oblysynyń qylmystyq-ister boıynsha mamandyrylǵan aýdanaralyq sotynyń úkimimen B.Ismaılov QR QK 297 t. 3 b. boıynsha kináli dep tanyldy. Ol 13 jylǵa bas bostandyǵynan aıyrylyp, jazasyn qatań rejımdi túzeý mekemesinde óteıtin bolady»,-delingen habarlamada.