Esirtki arnasyn uıymdastyrǵan túrmede otyrǵan sheteldik bolýy múmkin – UQK
09:31, 05 Shilde 2024
<p>ASTANA. KAZINFORM — UQK Qyzylorda jáne Mańǵystaý oblystary boıynsha departamenti prokýratýra organdarynyń úılestirýimen Taıaý Shyǵys óńirinen Qazaqstan Respýblıkasyna esirtki zattaryn jetkizý arnasynyń jolyn kesti.</p>
QR Ulttyq qaýipsizdik komıteti baspasóz qyzmetiniń habarlaýynsha, bıylǵy 21 maýsymda Mańǵystaý oblysynda 10 kg gashısh ótkizý kezinde Qazaqstannyń 2 azamaty ustaldy.
Tintý barysynda olardan 50 g apıyn, 4 000 AQSh dollary jáne 4 mln teńgeden astam qarajat alyndy.
Esirtki arnasyn túzeý mekemesinde osyndaı qylmys jasaǵany úshin otyrǵan shetel azamaty uıymdastyrdy degen kúdik keltirilip otyr.
Sottalǵannyń joıylǵan esirtki arnasyna qatystylyǵy Qyzylorda oblysy boıynsha QAJD-nyń kómegimen qujattaldy.
«Qylmystyq Kodekstiń 297-babynyń 3-bóligi boıynsha sotqa deıingi tergep-tekserý júrgizilýde. Qylmystyq-protsestik kodekstiń 201-babynyń 1-bóligine sáıkes ózge de aqparat jarııa etýge jatpaıdy» - UQK baspasóz qyzmeti.