UQK: Kásipkerlerden qarjy bopsalaǵan qylmystyq top músheleri ustaldy

ATYRAÝ. QazAqparat – Atyraý oblysynda kásipkerlerden qarjy bopsalaý, qaryz óndirý sııaqty qylmystyq árekettermen aınalysyp kelgen uıymdasuan top músheleri ustaldy, dep habarlaıdy QR Ulttyq qaýipsizdik komıtetiniń baspasóz qyzmetine silteme jasap.

Baspasóz málimetterine qaraǵanda, 2020 jylǵy 3 maýsymda Ulttyq qaýipsizdik komıtetiniń Atyraý oblysy boıynsha departamenti júrgizgen arnaıy operatsııa nátıjesinde sporttyq orta men yqtımal destrýktıvti dinı aǵymdardyń ókilderinen turatyn adamdar tobynyń quqyqqa qaıshy áreketiniń jolyn kesildi.

Qylmystyq top músheleri óńirdegi kásipkerlerdi qorqytyp, aqsha alyp, qaryzdardy «óndirý» sııaqty qylmystyq árekettermen aınalysyp kelgen. Sondaı-aq olardyń dene jaraqatyn salý sııaqty áreketterge de qatysy bar.

«Qylmystyq toptyń belsendi 5 múshesi ustaldy. Olardyń keıbireýi «urylar» ıdeologııasyn ustanyp, transulttyq qoǵamdastyqtardyń kómekshilerimen baılanys ustaǵan. Ustalǵandardyń turatyn jerin tintý barysynda úsh birlik ártúrli qarý túrleri men olardyń oq-dárileri tabyldy. Ustalǵan úsh adam ýaqytsha ustaý ızolıatoryna qamalyp, bultartpaý sharasyn tańdaý jóninde másele sheshilýde. Ekeýinen qorǵaýǵa quqyǵy bar kýáger retinde jaýap alyndy»,-delingen habarlamada.

Jedel-tergeý is-sharalary jalǵasýda.