UQK-ge jumysqa turǵyzamyn dep, 4 mln teńge alǵan túrkistandyqtyń ústinen is qozǵaldy

NUR-SULTAN. QazAqparat – Ulttyq qaýipsizdik komıtetine jumysqa turǵyzyp beremin dep, tanysynan 4 mln teńge alǵan túrkistandyq 2 jyldan beri «ýádesin oryndamaǵan», dep habarlaıdy QazAqparat Túrkistan oblystyq polıtsııa departamentiniń baspasóz qyzmetine silteme jasap.

«Túrkistan qalalyq polıtsııa basqarmasyna jergilikti turǵyn aryzdanyp, qyzyn «Ulttyq qaýipsizdik komıtetine jumysqa turǵyzyp beremin» dep tanysy 4 000 000 teńgesin aldap alyp ketkenin kórsetken. Alaıda, jábirlenýshi áıel kúdiktiden 2 jyl boıy ýáde etilgen jumysty da, ne óz aqshasyn da ala almaǵan. Atalǵan jaıt QR QK-niń 190-baby (Alaıaqtyq) boıynsha tirkedi.

Polıtseıler jedel izdestirý jumystaryn júrgizip, kúdikti dep tanylǵan jergilikti turǵyndy anyqtady. Orta jastaǵy kúdikti er adamnyń jábirlenýshini aldap, aqshany ózine alǵany belgili boldy. Qazirgi tańda tártip saqshylary oqıǵanyń tolyq mán-jaıyn tekserip jatyr», - delingen aqparattyq habarlamada.