UQK dárilik zattardyń kontrabandasynyń jolyn kesti
10:46, 28 Maýsym 2022
NUR-SULTAN. QazAqparat – 2022 jyldyń 24 maýsymynda Ulttyq qaýipsizdik komıteti júrgizip jatqan sotqa deıingi tergeý sheńberinde shetelden jalǵan óndiriske qajetti shıkizat retinde kórsetilgen daıyn dárilik zattardyń iri kóleminiń (tabletka túrinde) kontrabandalyq jetkizý arnasynyń joly kesildi.
Bul týraly QazAqparat QR Ulttyq qaýipsizdik komıtetiniń baspasóz qyzmetine silteme jasap habarlaıdy.
«Onkologııalyq aýrýlardy emdeý úshin respýblıkamyzdyń medıtsınalyq mekemelerine jiberetin kommertsııalyq uıymdarǵa arnalǵan kontrafaktilik ónimderdiń úlken partııasy aınalymnan alyndy.Ózge aqparat tergeý múddesinde jarııa etýge jatpaıdy»,-delingen habarlamada.