UQK bir jylda 20 mlrd teńgeniń esirtkisin tárkilep, 66 arnanyń kózin joıdy

<p>2023 jyly Ulttyq qaýipsizdik komıteti esirtkiniń zańsyz aınalymyna qarsy is-qımyl aıasynda 150-den astam operatsııa ótkizdi, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

Qorytyndysy boıynsha 34 halyqaralyq jáne 32 óńirlik esirtki jetkizý arnasy joıyldy, 36 jasyryn esirtki zerthanasynyń jumysy toqtatyldy.

Zańsyz aınalymnan 3,6 tonnadan asa esirtki jáne psıhotroptyq zat, 21,5 tonnadan astam kóknár sabanynyń shıkizaty, 75 tonnaǵa jýyq sıntetıkalyq esirtki jasaýǵa paıdalanylatyn hımııalyq reagent alyndy.

Alynǵan esirtkiniń «qara naryqtaǵy» baǵasy — 20 mlrd teńgeden asady, al kólemi — shamamen 17 mln doza.

Osyndaı qylmystardy jasady degen kúdikpen 101 adam sottalyp, 169 respýblıkanyń azamattary men sheteldikterge qatysty sotqa deıingi tergeý júrip jatyr. 

Qazaqstan arqyly esirtkini ákelý jáne tasymaldaýdyń jolyn kesý boıynsha shetel memleketteriniń quzyretti organdarymen birge 32 operatsııa júzege asty.

Esirtkiniń zańsyz aınalymyna qarsy kúres boıynsha is-sharalar jalǵasyp jatyr.