UQK arnaıy operatsııasy: Qazaqstanda uıymdasqan qylmystyq toptyń 72 múshesi ustaldy

<p>2023 jylǵy 5 qazanda Ulttyq qaýipsizdik komıteti polıtsııa organdarymen birlese jáne Bas prokýratýranyń úılestirýimen bir mezgilde Jetisý, Jambyl jáne Túrkistan oblystarynda arnaıy operatsııa júrgizdi.</p>

Bul týraly QazAqparat QR Ulttyq qaýipsizdik komıtetiniń baspasóz qyzmetine silteme jasap habarlaıdy.

Baspasóz qyzmetiniń málimetterine óqaraǵanda, operatsııa barysynda qarý men esirtkini zańsyz saqtaýǵa, bopsalaýǵa, zańsyz kóshi-qon arnalaryn uıymdastyrýǵa jáne ózge de aýyr qylmystar jasaýǵa kúdikti toptardyń 72 múshesi tergeý amaldaryn júrgizý úshin jetkizildi.

Toptar óz áreketterin Qytaımen («Qorǵas» HShYO), Ózbekstanmen («Jibek joly» ótkizý pýnkti) jáne Qyrǵyzstanmen («Qordaı avtomobıldik» ótkizý pýnkti) shekaralas ýchaskelerde júzege asyrǵan.

Tintý barysynda atys qarýy oq-dárilerimen, iri aqsha qarajattary, esirtki, sondaı-aq ózge de zattaı dáleldemeler tárkilendi.

Tergeý is-sharalary júrgizilýde.

«Qylmystyq-protsestik kodekstiń 201-babynyń 1-bóligine sáıkes ózge aqparattar jarııa etýge jatpaıdy»,-delingen UQK baspasóz qyzmeti taratqan aqparatta.

Aıta keteıik, osyǵan deıin Qazaqstanda iri qylmystyq toptardy ustaý operatsııasy júrip jatqanyn habarladyq.

Keıinirek operatsııanyń qaı óńirlerde júrgizilip jatqanyn jazdyq.

Sondaı-aq operatsııa barysynda 30 adamnyń ustalǵany málim boldy.