UQK áleýmettik jelidegi beınejazba týraly málimdedi

NUR-SULTAN. QazAqparat - Áleýmettik jelilerde taralyp jatqan qarýly adamdardyń atysy týraly beınekadrlar bıylǵy qańtardyń 5-inen 6-syna qaraǵan túni Taraz qalasynda oryn alǵan. Bul týraly UQK baspasóz qyzmeti málimdedi, dep habarlaıdy QazAqparat.

Vedomstvonyń jazýyna qaraǵanda, onda sany 350-ge deıingi top atys qarýyn qoldanyp, UQK Jambyl oblysy boıynsha departamentin basyp alǵysy kelgen.

«Qorǵanys barysynda atys jaraqatynan departamenttiń terrorızmge qarsy kúres ortalyǵynyń bólim bastyǵy podpolkovnık Dastan Ádilbaı qaza tapty. Osy faktiler boıynsha sotqa deıingi tergep-tekserý júrgizilýde», - delingen habarlamada.