Úkimettiń jumysynan shalǵaıdaǵy ár aýyldyń turǵyndary habardar bolýy kerek – ıAkov Fedorov

NUR-SULTAN. QazAqparat - Úkimettiń daǵdarysqa qarsy istep jatqan jobalary men pandemııamen kúres sharalarynan aımaqtaǵy turǵyndardyń kóbi beıhabar. Bloger ıAkov Fedorov Nur Otan partııasy jaqtastarynyń Zoom konferentsııasynda osylaı málim etti, dep habarlaıdy QazAqparat Nur Otan partııasynyń baspasóz qyzmetine silteme jasap.

Atalǵan onlaın-konferentsııa «Elimizdegi áleýmettik-saıası jaǵdaı. « Nur Otan partııasynyń praımerızi elimizde evolıýtsııalyq ózgerister jasaýǵa baǵyt» taqyrybynda ótti. Oǵan Nur Otan partııasynyń hatshysy Arman Qyryqbaev, saıasattanýshy - Aıdos Sarym men Qazbek Maıgeldınov, jýrnalıst Baǵdat Qojahmetov, Aıdos Juqanuly, Rahat Jaqsybaı, blogerler ıAkov Fedorov, Bıbigúl Dáýletbekqyzy, Samat Nurtaza qatysty.

ıAkov Fedorovtyń aıtýynsha, Úkimettiń árbir qabyldaǵan sheshiminde shynaıylyq bolýy qajet. Olaı bolmaǵan jaǵdaıda halyq pen bılik arasy alystaı bermek.

«Barshamyzdyń dál qazirgi maqsatymyz bir, ol – pandemııany jeńip shyǵý. Bul rette Úkimettiń jumysy mańyzdy. Onyń qabyldaǵan árbir sheshiminde shynaıylyq bolýy tıis. Aımaqtaǵy turǵyndardyń kóbi Úkimet jumysynan beıhabar. Sebebi ol jaqtaǵy atqarýshy bılik aqparattandyrýdyń jańa ádisterimen jumys istemeıdi», - deıdi ıA.Fedorov.

Ol sondaı-aq, eldegi saıası júıedegi ózgerister de kún tártibindegi basty másele ekenin atap ótti.

«Qazirgi basty másele – ekonomıka ǵana emes, úkimet pen júıeni saıası ózgertý. Osyndaı ýaqytta bilim berý, ónerkásip salasy toqtamaı jumys isteýi kerek. Al, úkimet bıznes ókilderine qoldaýyn kúsheıtýi qajet», - dep oıyn túıdi bloger.