Úkimettiń, ortalyq jáne jergilikti atqarýshy organdardyń quzyretterin bóletin zań qabyldandy - Parlament
Atalǵan qujat Memleket basshysynyń tapsyrmasyna sáıkes jáne memlekettik basqarý deńgeıleri arasyndaǵy ókilettilikterdiń arajigin ajyratý boıynsha negizgi qaǵıdattar men tásilder aıqyndalǵan Qazaqstan Respýblıkasy Prezıdentiniń 2014 jylǵy 25 tamyzdaǵy Jarlyǵyn iske asyrý úshin ázirlendi.
Zańnyń maqsaty Úkimet, ortalyq atqarýshy organdar, ortalyq atqarýshy organdardyń vedomstvolary, sondaı-aq jergilikti atqarýshy organdar arasyndaǵy quzyretti naqty bólýdi qamtamasyz etý bolyp tabylady. Bul rette Úkimetke negizgi bazalyq baǵyttar jónindegi fýnktsııalar júkteledi. Atap aıtqanda, memlekettiń áleýmettik-ekonomıkalyq saıasatynyń negizgi baǵyttaryn ázirleý, qorǵanys qabileti, qaýipsizdik, qoǵamdyq tártipti qamtamasyz etý jáne olardy uıymdastyrý máseleleri qamtylǵan.
«Al mınıstrlikter men Úkimettiń quramyna kirmeıtin ortalyq atqarýshy organdarǵa strategııalyq, retteý, iske asyrý jáne baqylaý-qadaǵalaý fýnktsııalaryn oryndaý, strategııalyq josparlar men baǵdarlamalardy iske asyrý boıynsha ókilettilikter beriledi. Mınıstrlikter men vedomstvolarǵa retteý, iske asyrý jáne baqylaý-qadaǵalaý fýnktsııalaryn júzege asyrý, olardyń quzyretine kiretin máseleler boıynsha normatıvtik quqyqtyq aktilerdi bekitý jónindegi fýntsııalar beriledi»,-dedi zań jobasy boıynsha baıandaǵan Ulttyq ekonomıka mınıstri Erbolat Dosav.
Parlament qabyldaǵan qujat Memleket basshysynyń qol qoıýyna joldanady.