Úkimettiń keıbir quzyretterin mınıstrlikterge bergen jón – Prezıdent
«Saıası qyzmetshilerdiń jeke jaýapkershiligin arttyra otyryp, memlekettik basqarý júıesin ortalyqsyzdandyrýǵa basa mán berý kerek.
Úkimettiń keıbir quzyretterin mınıstrlikterge bergen jón. Naqty bir saladaǵy saıasatqa «ujymdasqan kabınet» emes, naqty bir mınıstr jaýap berýge tıis.
Úkimet salaaralyq máselelerdi sheshýmen shuǵyldanýy qajet. Premer-Mınıstr Keńsesin memlekettik basqarý isiniń úzdik standarttaryna saı keletin, yqshamdy Úkimet apparaty retinde qaıta qurý osy baǵyttaǵy alǵashqy qadam bolmaq», - dedi Prezıdent.
Aıtýynsha, endi ortalyq mekemelerdi ońtaılandyrý arqyly jergilikti atqarýshy organdardyń ókilettigin aıtarlyqtaı keńeıtý kózdelip otyr.
«Bul tásil qordalanǵan máselelerdi óńirlerde, el ishinde sheshýge múmkindik beredi. Jergilikti ózin-ózi basqarý máselelerine, qoǵamdyq keńesterdiń, páter ıeleri kooperatıvteri men múlik ıeleri birlestikteriniń qyzmetin ózgertýge aıryqsha nazar aýdarý qajet», - dedi Qasym-Jomart Toqaev.