Úkimettiń daǵdarysqa qarsy sharalary elimizdegi jalpy ishki ónimniń ósimin qamtamasyz etýge tolyq múmkindik berdi
Búgin Parlament Senatynda «Samuryq-Qazyna» ulttyq ál-aýqat qorynyń jarlyǵyq kapıtalyn arttyrýǵa bólingen bıýdjet qarajattaryn paıdalaný tıimdiligi» taqyrybynda ótken Úkimet saǵatynda Ekonomıkalyq damý jáne saýda mınıstri Erbolat Dosaev osylaı málim etti.
«Ǵalamdyq daǵdarys kezeńinde Úkimet ekonımıkanyń quldyraýyn boldyrmaý jáne makroekonomıkalyq turaqtylyqqa qol jetkizý maqsatynda ekonomıkany qoldaý sharalaryn qabyldady. Atap aıtqanda 2007-2008 jyldary respýblıkalyq bıýdjetten 400 mlrd. teńgeden astam qarajat, al 2009-2010 jyldary ulttyq qordan qosymsha 1 trln. 200 mlrd.teńge kóleminde qarajat bólindi. Bul sharalar 2009 jyly elimizdiń jalpy ishki ónimi ósimin 1,2 paıyz deńgeıinde qamtamasyz etýge múmkindik berdi», - dedi mınıstr.
Onyń aıtýynsha, salystyrmaly túrde alyp qaraǵanda, Úkimettik sharalar óz tıimdiligin tanytqan. Máselen, daǵdarys kezeńinde AQSh-ta JІÓ-niń tómendeýi 3,5 paıyzdy, al Reseıde - 7,8 paıyzdy quraǵan bolatyn.
Sondaı-aq, mınıstr sońǵy 3 jylda Qazaqstandaǵy ınflıatsııa deńgeıi 6-8 paıyzdyq dálizde turaqtaǵanyn atap ótti.
«Bul kórsetkishke qol jetkizý tek aqsha qarajattarynyń áserinen ǵana emes, qabyldanǵan qosymsha sharalar arqasynda boldy», - dedi E. Dosaev.