Úkimettik komıssııa Baızaq aýdanyndaǵy oqıǵa ornyna bardy

TARAZ. QazAqparat - Memleket basshysy Qasym-Jomart Toqaevtyń tapsyrmasymen qurylǵan Baızaq aýdanyndaǵy oq-dári qoımasynda oryn alǵan órt pen jarylys saldaryn joıý jónindegi Úkimettik komıssııa oqıǵa ornyna bardy6 dep habarlaıdy QazAqparat Úkimet basshysynyń baspasóz qyzmetine silteme jasap.

QR Premer-Mınıstriniń orynbasary Roman Sklıar bastaǵan, quramynda Jambyl oblysynyń ákimi Berdibek Saparbaev, qorǵanys mınıstri Nurlan Ermekbaev, tótenshe jaǵdaılar mınıstri ıÝrıı Ilın, ishki ister mınıstriniń orynbasary Murat Baımuqashev, ındýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev, eńbek jáne halyqty áleýmettik qorǵaý, densaýlyq saqtaý jáne basqa da ortalyq memlekettik organdardyń vıtse-mınıstrleri bar komıssııa zardap shekken nysandarymen tanysyp, mán-jaıǵa qanyqty.

Sonymen qatar delegatsııa órt saldaryn joıý jónindegi jumystardyń barysymen tanysyp, jaralanǵan áskerılermen jáne órt sóndirýshilermen, jergilikti turǵyndarmen kezdesti. Vıtse-premer jedel shtab otyrysyna qatysyp, jaýapty tulǵalarǵa naqty tapsyrmalar júktedi.

Aıta keteıik, atalǵan komıssııa aldyna zalaldy baǵalaý jáne órt pen jarylys saldaryn joıý, zaqymdalǵan ınfraqurylymdy qalpyna keltirý, sondaı-aq zardap shekkenderge áleýmettik qoldaý, medıtsınalyq kómek sharalaryn kórsetý boıynsha mindetter qoıylǵan bolatyn.

Qazirgi ýaqytta keltirilgen shyǵyn kólemi anyqtalýda, úkimettik saraptamalyq top jumys jasaýda. Barlyq zardap shekkenderge kómek kórsetiledi.

Birinshi kezekte turǵyn úıler, kásipkerlik jáne ınfraqurylymdyq nysandar qalpyna keltiriledi. Oqıǵanyń sebebin jedel tergeý toby anyqtaıtyn bolady.