Úkimettik qaryzǵa qyzmet kórsetý shyǵyndary artady
11:51, 10 Sáýir 2023
ASTANA. QazAqparat – 2023 jyldyń naqtylanǵan bıýdjeti boıynsha úkimettik qaryzǵa qyzmet kórsetý shyǵyndary artady. Bul týraly Qarjy mınıstrliginiń 2023 jylǵy naqtylanǵan bıýdjeti týraly qujatynda aıtylǵan, dep habarlaıdy QazAqparat tilshisi.
2023 jyldyń túzetilgen bıýdjeti boıynsha úkimettik qaryzdarǵa qyzmet kórsetý shyǵyny 1 trln 759 mlrd 17,7 mln teńge bolǵan edi. Sońǵy naqtylaý kezinde qosymsha 83 mlrd 707,5 mln teńge kózdelip otyr. Osylaısha, 2023 jyldyń naqtylǵan bıýdjet jobasynda úkimettik qaryzdarǵa qyzmet kórsetý shyǵyny 1 trln 842 mlrd 725,2 mln teńge bolatyny aıtylǵan.
Mınıstrliktiń deregi boıynsha, 2021 jyldan beri úkimettik qaryzdarǵa qyzmet kórsetý shyǵyny toqtaýsyz ósip keledi. 2021 jyly Qarjy mınıstrligi bul maqsatqa 977 mlrd 714,7 mln teńge bólse, 2022 jyly 1 trln 297 mlrd 405,8 mln teńge jumsaǵan. Al, 2024 jyly 1 trln 965 mlrd 417,7 mln teńge, 2025 jyly 2 trln 164 mlrd 811,2 mln teńge bólý josparlanǵan.