Úkimettik emes uıymdarmen yntymaqtastyq jáne ózara is-qımyl jónindegi Qoǵamdyq keńestiń kezekti otyrysy ótip jatyr
dep habarlaıdy QazAqparat.
Qoǵamdyq keńestiń qarasha aıynda ótken 3-shi otyrysy ekologııalyq máselelerge arnalǵan bolatyn. Almaty qalalyq ishki saıasat basqarmasynyń bastyǵy, Keńes tóraǵasynyń orynbasary Ádil Nesipbaevtyń aıtýynsha, onda jasalǵan barlyq usynystar múddeli qoǵamdyq oryndarǵa joldandy. Al bul májiliske densaýlyq saqtaý qurylymdarynyń basshylary men osy máselemen aınalysatyn úkimettik emes uıymdar shaqyrylyp otyr. Biryńǵaı ulttyq densaýlyq saqtaý júıesin engizý týraly baıandama jasaǵan qalalyq densaýlyq saqtaý basqarmasynyń bastyǵy Erkin Dúrimbetovtiń sózine qaraǵanda, bul másele buǵan deıin aqparat quraldarynda jarııalanǵan bolatyn. Ondaǵy birinshi qaǵıda - dárigerler men medıtsınalyq mekemelerdi tańdaý. Ekinshi, básekelestik ortany qalyptastyrý. Úshinshi, medıtsınalyq qyzmeti kórsetýdiń ashyqtyǵy bolyp otyr. Ony engizýge qajetti normatıvtik quqyqtyq bazalar jasalyp, zańdarǵa ózgerister men tolyqtyrýlar engizildi. Akredıtatsııaǵa qatysqan 70 medıtsınalyq mekemeniń 69-y bir jylǵa, bireýi 3 jylǵa akredıtteldi. Olardyń úsheýi jeke, al qalǵany vedomstvolyq mekemeler bolyp otyr.