Úkimettik emes uıymdardyń qyzmetin qarjalyndyrýdyń jańa nysandary engiziledi

ASTANA. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine úkimettik emes uıymdardyń qyzmeti máseleleri boıynsha ózgerister men tolyqtyrýlar engizý týraly» zań jobasyn maquldady.

Atalǵan zań jobasy azamattardyń áleýmettikń bastamalaryn iske asyrýdyń pármendi quraly bolýǵa tıisti qazaqstandyq qoǵamdy odan ári áleýmettik jańǵyrtý jáne azamattyq qoǵam ınstıtýttaryn jetildirý maqsatynda Elbasynyń tapsyrmasyna sáıkes ázirlengen.

Bul rette qujatta úkimettik emes uıymdardyń mártebesin, olardyń qyzmetteriniń erekshelikterin eskere otyryp, quqyqtyq retteý tetikterin jetildirý, sonymen birge, qoǵamdyq birlestikterdi memlekettik qoldaý sharalary kózdeledi.

Sondaı-aq, zań jobasyna sáıkes, memelkettik organdar úkimettik emes uıymdarmen ózara is-qımylyn jetildirýde birqatar baǵyttar sharalar atqaratyn bolady. Atap aıtqanda, ÚEU úshin memlekettik, memelkettik emes granttar men respýblıkalyq jáne óńirlik deńgeıdegi áleýmettik mindetterdi sheshýge eláýir úles qosqandary úshin syılyqaqylar túrinde qarjylandyrýdyń jańa nysandary engiziledi.

Budan bólek memleket pen qoǵamda bolyp jatqan protsesterge jedel den qoıý maqsatynda ÚEU granttyq qarjylandyrý salasyndaǵy biryńǵaı operatordyń fýnktsııalaryn oryndaıtyn uıym qurylady. Sonymen birge, zań jobasy sheńberinde ÚEU jaýaptylyǵyn naqtylaý, olardyń qoǵam aldyndaǵy ashyqtyǵyn qamtý qaǵıdattary da engiziledi.