Úkimettik emes uıymdardyń damýyn jańa deńgeıge kóteretin zań jobasy daıyndalýda
«Azamattyq forýmnyń tapsyrmasy aıasynda memlekettik organdar men úkimettik emes uıymdardyń qarym-qatynasyn retteıtin «Úkimettik emes uıymdardy memlekettik qoldaý týraly» jańa zań jobasyn jasap jatyrmyz. Zań jobasynda úkimettik uıymdarǵa ınstıtýtsıonaldy qoldaý kórsetýge jaǵdaı jasaý tetikteri tolyq qamtylǵan. Mysaly, búginde memlekettik áleýmettik tapsyrys aıasynda bólingen qarajatty úkimettik emes uıymdar tek qyzmet kórsetýge jumsaı alatyn bolsa, zań jobasynda olardyń ádistemelik, tehnıkalyq jaǵdaıyn jaqsartýǵa múmkindik beretin joldar qarastyrylǵan. Sonyń ishinde memleket tarapynan ÚEU-ǵa syıaqylar beriledi. Ol qarajatty uıym óz qyzmetkerlerin oqytýǵa, materıaldyq-tehnıkalyq jaǵdaıyn jaqsartýǵa jumsaı alady», - dedi V.Porýbaımeh.
Onyń atap kórsetkenindeı, zań jobasy boıynsha, belgili bir memlekettik organ úkimettik emes uıymdarǵa aqparattyq, ádistemelik kómek berýge jaýapty bolady. Sebebi qazir ÚEU-nyń ókilderine aqparattyq turǵyda memlekettik organ tarapynan kóp jaǵdaıda kómek kórsetile bermeıdi.
«Zań jobasynda memlekettik organnyń quzyretteri men mindetteri naqty belgilengen. Onda kórsetilgenindeı, árbir memlekettik organ baǵdarlama qurý kezinde onyń ádistemelik bazasyn jasap, ÚEU-darǵa ádistemelik, aqparattyq kómek kórsetýge mindetti. ıAǵnı úkimettik emes uıymdarda teń áriptes retinde qatań talap etý quqyǵy bolady», - deıdi ol.
Sonymen qatar, atalmysh jobaǵa sáıkes ÚEU úshin memlekettik áleýmettik tapsyrys baıqaýynyń protsedýralary jeńildetilmek. Zań jobasy qabyldanǵannan keıin, ÚEU tizimi jasalady. Sol tizimde onyń zańgerlik qujattary tirkeledi. Baıqaýǵa qatysý úshin ol zańgerlik qujattaryn usynbaı-aq, áleýmettik jobany ǵana tanystyratyn bolady. Zańnyń taǵy bir tusy, memlekettik tapsyrys baıqaýynda baǵa negizgi krıterıı bolyp sanalmaıtyndyǵy.