Úkimettik emes uıymdarda 25 myńnan astam qazaqstandyq eńbek etip júr
12:44, 19 Jeltoqsan 2022
ASTANA. QazAqparat – Qazaqstannyń azamattyq sektorynda 25 myńnan astam adam eńbek etip júr. Bul týraly ortalyq kommýnıkatsııalar qyzmetinde ótken brıfıngide QR Aqparat jáne qoǵamdyq damý mınıstrliginiń azamattyq qoǵam isteri komıtetiniń tóraǵasy Madııar Qojahmet aıtty, dep habarlaıdy QazAqparat tilshisi.
«Bıyl úkimettik emes uıymdardy memlekettik qarjylyq qoldaý salasyndaǵy zańnamany jetildirý sheńberinde grant júıesi qaıta qaraldy. Zań normalaryn júzege asyrý sheńberinde mınıstrlik azamattyq qoǵam salasyndaǵy sarapshylarmen, úkimettik emes uıym ókilderimen birlese otyryp granttyq qarjylandyrýdań jańa qaǵıdalaryn ázirlegen bolatyn», - dedi ol.
Onyń málimeti boıynsha, elimizde 17 myńnan astam úkimettik emes uıym tirkelgen.
«Elimizde barlyǵy 17 myńnan astam ÚEU jumys isteıdi, 21 myńnan astam qoǵamdyq uıym tirkelgen. Búgingi tańda azamattyq sektorda jumyspen qamtylǵandar sany - 25 myńǵa jýyq», - dedi komıtet basshysy.