Úkimettik emes uıymdar týraly naqty zań qabyldansa - L.Shaǵataı, «Jaıyq» destrýktıvtik dinı aǵymdardan japa shekkenderge kómek ortalyǵynyń tóraıymy

ASTANA. 6 qazan. QazAqparat /Eljan Eraly/ - Úkimettik emes uıymdar týraly naqty zań qabyldanýy kerek. Bul týraly Astanada bastalǵan besinshi Azamattyq forýmǵa qatysyp jatqan «Jaıyq» destrýktıvtik dinı aǵymdardan japa shekkenderge kómek ortalyǵynyń tóraıymy, Batys Qazaqstan oblysynan kelgen Lázzat Shaǵataı málim etti.

Onyń aıtýynsha, osyǵan deıingi zań jobalarynda qoǵamdyq birlestik qurý úshin keminde on adam bolýy qajettigi kórsetilgen bolatyn. Osyny úsh-tórt adamǵa deıin tómendetse de bolar edi. «Meniń basty oıym - kez kelgen qoǵamdyq uıymda volonterlik qyzmetti damytý qajet. Sondaı-aq qazirgi kezde dinı máseleler qoǵamda ózekti taqyrypqa aınalyp otyr. Osyǵan oraı áriptesterimmen oı bólissem deımin», dedi L.Shaǵataı.