Úkimettik emes uıymdar Qazaqstannyń EQYU-ǵa tóraǵalyǵyna oń baǵalaryn berdi
ÚEU ókilderiniń aıtýynsha, EQYU tóraǵalyǵy tusynda Qazaqstan quqyq qorǵaý salasynda birqatar ózgeristerge qol jetkizdi. Forýmda bunymen qatar azamattardyń quqyǵyn qorǵaýdy arttyrý baǵytynda quqyq qorǵaý salasyndaǵy ÚEU qyzmetin damytý, zańdardyń durys jumys isteýi de sóz boldy.
«Forýmnyń basty maqsaty - EQYU sammıti qarsańynda ÚEU men memlekettik, zań shyǵarýshy, quqyq qorǵaý organdarynyń ókilderimen EQYU tóraǵalyǵy kezinde júzege asyrylǵan quqyqtyq ózgeristerge sholý jasaý, usynystardy Úkimet, Parlament nazaryna usyný jáne sol boıynsha birlesken jumystardy júzege asyrý»,-deıdi «Aman-saýlyq» qoǵamdyq qorynyń prezıdenti Baqyt Túmenova.
ÚEU ókilderi Qazaqstannyń EQYU tóraǵalyǵynyń jemisti bolǵandyǵyn atap ótti. «Qazaqstan tóraǵalyq kezinde kózdegen maqsattarynyń bárin tabysty túrde júzege asyrdy. Buǵan jahandyq qaýymdastyqtyń tus-tusynan aıtylǵan pikirler kýá. Aldaǵy sammıt te Qazaqstan tóraǵalyǵynyń sátti ótkendiginiń belgisi» deıdi azamattyq qoǵam ókilderi.