Úkimettik emes sektor memlekettiń mańyzdy seriktesi – Madııar Qojahmet
«Memleket basshysy aldymyzǵa bılikke halyqtyń senim deńgeıin arttyrý jáne halyq úninen qulaq asatyn memlekettik damytý mindetin júktegenin bilesizder. Taıaýda Prezıdent Qazaqstan halqyna Joldaýynda azamattyq qoǵammen syndarlyq dıalogty damytý men jetildirý jáne áleýmettik saladaǵy problemalardy sheshý mańyzdylyǵyn atap ótti. Bul baǵytta birneshe mańyzdy bastama, onyń ishinde qoǵamdyq keńester týraly, qoǵamdyq baqylaý týraly zańdar qabyldaý usynyldy. Osyǵan oraı úkimettik emes sektor áleýmettik máselelerdi sheshýde jáne azamattyq bastamalardy ońtaılandyrýda memlekettiń mańyzdy seriktesi sanalady», - dedi ol «Damý tarıhy: ishteı kózqaras» atty 11-shi jyl saıynǵy halyqaralyq konferentsııasynda.
Onyń paıymynsha, qoǵamdyq uıymdardyń róli bul baǵyttaǵy túrli mindetterdi sheshýde ajyramas bólikke aınalyp otyr. Aıtalyq, koronavırýs indeti kezeńinde azamattyq qoǵam memleketke kómek kórsetýde basty rólge ıe boldy jáne olardyń jedel qashýda qajet etildi.
«Óz kezeginde, úkimettik emes sektor áleýetin pash etip, áleýmettik máselelerdi sheshýge belsene qatysty. Úkimettiń emes uıymdardyń mundaı reaktsııasy olardyń damýǵa, jańa tásilderdi synap kórýge, qoǵam ıgiligi úshin áleýmettik bastamalardy engizýge daıyn ekendigin bildiredi. Bul rette Azamattyq qoǵamdyq damytý qaýymdastyǵy úlgi bola alady. Ol Úkimettik emes uıymdar qoǵamda álemdik ınnovatsııalyq tájirıbelerdi engize bastaıdy degen ıdeıany ilip áketti. Bul qoǵamnyń ál-aýqatyn qalyptastyrý protsesinde óte mańyzdy. Jyl saıyn halyqaralyq uıym ókilderiniń qatysýymen úkimettik emes sektorǵa ınnovatsııalyq tásilderdi engizý máselesi kóteriledi. Olar Úkimettik emes uıymdarǵa ózderiniń aıryqsha tıimdiligin kórsetýi úshin belgili bir jeli qalyptastyrady», - dedi Madııar Qojahmet.