«Úkimetti taǵy bir jahandyq daǵdarysqa qarsy kúres kútip turǵan tárizdi» - respýblıkalyq basylymdarǵa sholý

ASTANA. 24 aqpan. QazAqparat - Qazaq aqparat agenttigi respýblıkalyq basylymdarda 24 aqpan, beısenbi kúni shyqqan ózekti materıaldarǵa sholýdy usynady.

***

«Qazaqstan Prezıdenti Nursultan Nazarbaevtyń Qytaı Halyq Respýblıkasyna jasaǵan úshkúndik memlekettik sapary aıaqtaldy. Bul sapar eki el arasyna úlken serpin ákeldi, jańa beleske kóterdi», - dep jazady «Aıqyn» gazeti búgingi nómirindegi «Qazaqstan men QHR bir kózqarasty ustanady» degen maqalada. Basylymnyń atap ótýinshe, Elbasynyń QHR tóraǵasy Hý Tszıntaomen kezdesýi barysynda birqatar qujattarǵa qol qoıyldy. Olardyń qatarynda QR Úki­meti men QHR Úkimeti ara­syn­daǵy transshekaralyq ózender sýla­rynyń sapasyn qorǵaý týra­ly, QR men QHR arasyndaǵy sot­talǵan azamattardy berý týraly kelisim, «QTJ» UK» AQ men QHR Temirjol mınıstrligi arasyndaǵy Astana-Almaty jyldamdyǵy joǵary temirjol magıstraliniń qu­ry­lysyn salý boıynsha yn­ty­maqtastyq týraly memorandým, Qytaıdyń Memlekettik damý banki (QMDB) men «Samuryq-Qazyna» ulttyq ál-aýqat qory arasyndaǵy 1660 mln AQSh dollary bolatyn nesıelik kelisim bar.

«Aıqyn» gazetinde Shanhaı Yntymaqtastyq uıymynyń Bas hatshysy Muratbek Imanálıevten alynǵan suhbat «Astana sammıti -tóraǵalyqtyń sharyqtaý shegi» degen taqyryppen berilgen. Basylym tilshisiniń barlyq saýaldaryna egjeı-tegjeıli jaýap bergen ol: «Qazaqstan Respýblıkasy­nyń qazirgi qol jetkizgen tabys­tarynyń logıkalyq nátıjesi re­tinde sheteldik memleketterdiń re­smı ókilderi tarapynan halyq­aralyq qoldaýǵa ıe bolýyn jáne Qazaqstannyń EQYU-ǵa tóraǵa­lyq­qa saılanýyn ataýǵa bolady. Qazaqstan osy Uıymnyń jaýap­kershiligi aýqymyndaǵy qaýipsizdik problemalaryn jańashyl turǵyda baǵalady, Aýǵanstandaǵy jaǵdaı­dy turaqtandyrýǵa EQYU-nyń qol­daý kórsetýdiń múmkin jol­daryn izdeýi - osy sózimizge dálel», - deıdi.

***

«Keshe Májilistiń jalpy otyrysynda depýtattar «2011-2013 jyldarǵa arnalǵan respýblıkalyq bıýdjet týraly» QR Zańyna engizilgen ózgerister men tolyqtyrýlar týraly» zań jobasyn biraýyzdan maquldap, qujatty Senatqa joldady. Osy aptada joǵarǵy palata bıýdjetti qabyldasa, Úkimet te birden iske kirispek nıet tanytyp otyr», - dep jazady «Alash aınasy» gazeti. Basylymnyń atap ótýinshe, Parlament qabyrǵasynda ótken bıýdjet talqylaý barysynda birqatar ózekti máseeler de kóterilgen. Máselen, depýtat Rozaqul Halmuradov oralmandar kvotasynyń tómenge «quldyrap» bara jatqanyna alańdaýshylyq bildirgen. Sondaı-aq Úkimet basshysynyń atyna depýtattyq saýal joldaǵan Nurlan Ónerbaı da oralmandar máselesin kótergen. Joǵaryda aıtylǵan jaıttar jaıynda keń maǵlumat alǵyńyz kelse, basylymdaǵy «Úkimetti taǵy bir jahandyq daǵdarysqa qarsy kúres kútip turǵan tárizdi» degen taqyrypqa nazar salyńyz.

Keshe Úkimet úıinde Premer-mınıstr Kárim Másimovtiń qatysýymen «KEGOC» AQ-nyń Basqarma tóraǵasy Almasadam Sátqalıev «Hyundai Engineering CO.Ltd», «Hyundai Corporation» kompanııalarynyń jáne «Korea Electric Power Corporation» (KEPKO) konsortsıýmynyń basshylarymen «Qazaqstannyń ulttyq elektr jelilerin jańǵyrtýdyń ІІ kezeńi» jobasyna baılanysty kelisimshartqa qol qoıdy. Osy jaıt «Alash aınasy» gazetiniń beısenbilik nómirinde jaryq kórgen «Koreılik kompanııalar elimizdiń elektr jelilerin jańǵyrtýǵa atsalysady» degen maqalaǵa arqaý bolǵan. Basylymnyń atap ótýinshe, bul qujatqa sáıkes koreıalyq kompanııalar Aqtóbe, Batys jáne Shymkent aımaqaralyq elektr stansalary fılıaldaryndaǵy 500 jáne 220 kVt-tyq qosalqy stansalardy bastan-aıaq jańǵyrtý jumystaryn júzege asyrady. Kelisimshart Eýropalyq qaıta qurý jáne damý bankiniń zaım qarajaty esebinen qarjylandyrylady. Zaımnyń jalpy somasy 255 mln. eýro, onyń 73 mln. eýrosyn koreıalyq kompanııalar ıgeredi.

***

«Lıvııadaǵy tártipsizdikterge baılanysty Konsýldyq qyzmet departamenti sol eldegi Qazaqstannyń Dıplomatııalyq mıssııasymen birlese otyryp, QR azamattaryn atalmysh elden shyǵarý boıynsha tıisti jumystardy atqarýda», - dep jazady «Kazahstanskaıa pravda» gazeti búgingi nómirindegi «Vse mery prınıaty» degen maqalasynda. Basylymnyń atap ótýinshe, Dıpmıssııasynyń málimetine sáıkes, qazirgi ýaqytta Lıvııada konsýldyq esepte bolǵan 21 azamatymyz qalýda. Olardyń ishinde: 3-eýi Dıpmıssııanyń qyzmetkerleri jáne olardyń otbasy músheleri, 6-aýy stýdentter, 5-eýi shetel azamattarynyń jubaılary, 7-eýi ártúrli sheteldik kompanııalarda isteıtin Qazaqstan azamattary. Trıpolıden túsken sońǵy aqparatqa sáıkes, QR Dıpmıssııasy Reseıdiń arnaıy bortyna elimizdiń azamattaryn otyrǵyzý boıynsha kórshiles memleket tarapymen tıisti jumystaryn atqardy. Lıvııadaǵy otandastarymyzdy elge shyǵarý boıynsha birinshi arnaıy bort 23 aqpanda jergilikti ýaqytpen saǵat 4.00 shamasynda Trıpolı áýejaıynan ushyp shyqty.