Úkimetti «Samuryq-Qazynanyń» jyldyq bıýdjetin bekitý máseleleri talqylandy
22:04, 14 Jeltoqsan 2016
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen «Samuryq-Qazyna» AQ Dırektorlar keńesiniń otyrysy ótti, dep habarlaıdy primeminister.kz.
Otyrys barysynda qatysýshylar jyldyq aýdıtorlyq jospardy, Dırektorlar keńesi jumysynyń josparyn, sonymen qatar 2017 jylǵa arnalǵan «Samuryq-Qazyna» AQ-nyń jyldyq bıýdjetin bekitý máselelerin talqylady.
Budan ózge, qatysýshylar «Vokzal keshenin salýdy qosa alǵanda, Astana qalasynda temirjol torabyn damytý» ınvestıtsııalyq jobasyn iske asyrý máselelerin talqylady.
Eske sala keteıik, Astanadaǵy jańa temir jol vokzalynyń qurylysyn kelesi jyldyń naýryz aıynda aıaqtaý josparda bar. Aldyn-ala baǵalaý boıynsha, vokzaldyń jolaýshylar aǵyny jylyna shamamen 12 mln adamdy quraıtyn bolady.