Úkimette «jetilgen» munaı ken oryndaryn ıgerý máselesi talqylandy

ASTANA. QazAqparat - QR Premer-Mınıstri Álıhan Smaıylovtyń tóraǵalyǵymen ótken Energetıkalyq keńestiń otyrysynda birqatar «jetilgen» munaı ken oryndaryn odan ári ıgerý máseleleri talqylandy, dep habarlaıdy QazAqparat.

«QR Prezıdenti Ákimshiligi, ortalyq memlekettik organdar, Ulttyq Bank, «Samuryq-Qazyna» AQ, «QazMunaıGaz» ulttyq kompanııasy basshylyǵynyń qatysýymen ınvestıtsııalardy ulǵaıtý jáne ıgerýdiń sońǵy kezeńderindegi ken oryndarynyń turaqty jumysyn qamtamasyz etý jónindegi sharalar qaraldy. Atap aıtqanda, óndiris kólemi, jumyspen qamtý jáne salyq salý máseleleri qozǵaldy», - dep jazdy Úkimettiń resmı saıty.

Premer-Mınıstr JJM ishki naryǵyn turaqty qamtamasyz etý, memlekettik bıýdjet pen Ulttyq qordy tolyqtyrý, sondaı-aq jumys oryndaryn saqtaý úshin osyndaı ken oryndaryn qoldaýdyń mańyzdylyǵyn atap ótti.

Sonymen qatar otyrysta jer qoınaýyn paıdalaný salasyndaǵy birqatar ózekti máseleler qaraldy.