Úkimette jańa Salyq kodeksin qoldaný tetikteri talqylandy

Premer-Mınıstrdiń orynbasary – Qarjy mınıstri Erulan Jamaýbaev Memleket basshysynyń 2022 jylǵy 1 qyrkúıektegi Qazaqstan halqyna Joldaýynda aıtylǵan jańa Salyq kodeksin ázirleýge qatysty tapsyrmalardy iske asyrý boıynsha keńes ótkizdi, dep habarlaıdy QazAqparat Úkimettiń resmı saıtyna silteme jasap.

Bıznes sýbektilerinde salyqtardy ákimshilendirýge qatysty suraqtar jıi týyndaıdy. Osyǵan baılanysty Úkimet salyqtyq ákimshilendirýdi ońaılatýǵa jáne tsıfrlandyrýǵa erekshe nazar aýdarýdy josparlap otyr.

Qazirgi ýaqytta Premer-Mınıstrdiń ókimimen qurylǵan jumys toby sheńberinde 2030 jylǵa deıingi salyq saıasatynyń tujyrymdamasyn ázirleý boıynsha jumys júrgizilip jatyr.

Onda qarastyrylǵan tásilder jańa Salyq kodeksiniń negizi bolady. Tujyrymdama jobasyna usynystardy Parlament depýtattary, memlekettik organdar men bıznes-qoǵamdastyq ókilderi engen jumys toby ázirleıdi.

Foto: primeminister.kz